લાગે છે એકલુ પણ મળો છો ક્યાં તમે?
તરસે છે હૈયુ પણ વસો છો ક્યાં તમે?
લોકોની ભીડમા ભુલો પડ્યો છુ આજ,
હાથ ઝાલી રાહ સુજાડો છો ક્યાં તમે?
બુમો પાડી મોઢુ પણ થાકી ગયુ છે હવે,
સાદ મુજનો કાન ધરો છો ક્યાં તમે?
બંધ આંખે ફક્ત આવે સપના તુજના,
મળી કરવા વાતો આવો છો ક્યાં તમે?
માન્યુ કે કણકણમા છો વસેલા આપ,
આપી ઉત્તર,આપો છો પ્રમાણ ક્યાં તમે?
ખબર છે, આપશો પ્રમાણ રોજીંદા ક્રમ થકી,
શું આ રીતે જ મુજને ફોસલાવતા રહેશો તમે?
તલપ લાગી છે હવે મીલાપની પામવા ચરણરજ,
આપી હવે દર્શન આ દાસ પર કરો ઉપકાર તમે.
નિશીત જોશી
ટિપ્પણીઓ નથી:
ટિપ્પણી પોસ્ટ કરો