બુધવાર, 9 સપ્ટેમ્બર, 2009

બાપ કરતા બેટો સવાયો થયો

બાપ કરતા બેટો સવાયો થયો

બાપ બેઠો બેટો ભાગતો થયો....

બાપ કરતા બેટો સવાયો થયો


ચલાવતો સાયકલ બાપ

હવે બેટો લોનપર ગાડી ચલાવતો થયો...

બાપ કરતા બેટો સવાયો થયો


લખતો બાપ પોસ્ટકાર્ડમા પત્ર

હવે બેટો ઇમેલ કરતો થયો....

બાપ કરતા બેટો સવાયો થયો


બાપ ઉભો રહેતો ટ્રંકકોલની લાયનમાં

બેટો તો મોબાઇલમા વાતો કરતો થયો....

બાપ કરતા બેટો સવાયો થયો


બાપ ગભરાતો છોકરીઓ જોઇને

બેટો તો છોકરીઓને ગભરાવતો થયો....

બાપ કરતા બેટો સવાયો થયો


ઇજ્જત કરતો બાપ તેના બાપની

હવે તો બેટો બાપને જ વઢતો થયો....

બાપ કરતા બેટો સવાયો થયો


પછેડી જોઇ ખર્ચ કરતો બાપ

બેટો ઉધાર કરી ક્રેડીટ્કાર્ડ વાપરતો થયો....

બાપ કરતા બેટો સવાયો થયો


ન સમજાયુ નિશિત મને સમજાવજો કોઇ

આવી સરસ કહેવતનો દુરઉપયોગ થયો....

બાપ કરતા બેટો સવાયો થયો



નીશીત જોશી

ટિપ્પણીઓ નથી:

ટિપ્પણી પોસ્ટ કરો