આજ નો દિન મારા માટે ખાસ છે

આજ નો દિન મારા માટે ખાસ છે,
આજે મને મળેલુ તે બહુ ખાસ છે,

કોણ મળ્યુ શું મળ્યુ જરા વિચારશો,
જે મળેલુ તે સંગ મુજ ખાસ છે,

હા, થયો છે ઘણો સમય પસાર,
નથી વિસર્યો આજે પણ જે ખાસ છે,

મળ્યા પહેલા પણ હતી તાલાવેલી,
મળ્યા બાદ બની બેઠી એ ખાસ છે,

ભલે ને હોય આજે ચાર આંખ,
એ બે આંખ આજે પણ તો ખાસ છે,

કાળા કેસુઓ આજે થોડા થયા સફેદ,
કેસુઓની કાળી ઘટા આજે પણ ખાસ છે,

કહી શકો તો કહેજો મુજને મારા મિત્રો,
મળી હતી એ જે આજે મુજ ખાસ છે,

એ દિને પણ દેવઉઠી અગીયારસ હતી,
આજે પણ મુજ કાજ તુલસીવિવાહ ખાસ છે.

નીશીત જોશી 17.11.10