લાખ કોશીશ કરો

જીવવાની આશ રાખનાર જીવતા નથી,
મરવાની ઇચ્છા કરનાર મરતા નથી,

લાખ કોશીશ કરો પણ,
કિનારે સાહિલ રહેતા નથી,

ધરા-અંબરનુ મિલન દેખાય છે સૌને,
પણ તેઓ કદી મળતા નથી,

ઘણી મહનતે બાંધે છે માળો,
પણ પંખીઓ એક સ્થાને વધારે રહેતા નથી,

પ્રેમ તો પામવો છે હરકોઇને,
પણ કોઇને તેઓ પ્રેમ કરતા નથી,

સમય પર ચાલે છે લોકો,
પણ સમયને પકડી શકતા નથી,

દુઃખમા યાદ કરે છે પ્રભુને લોકો,
પણ સુખમા સમય કાઢી શકતા નથી.

નીશીત જોશી