ખબર ન હતી

નીકળી જશો આમ જીવનથી તે ખબર ન હતી,
બનશે બધુ આમ જીવનમા તે ખબર ન હતી,

કરતા હતા બેહદ પ્રેમ જે એકબીજાને હ્રદયથી,
તરછોડાશે તે પ્રેમ જીવનમા તે ખબર ન હતી,

પલ્લુમા સંતાડી રાખતા હર હમેંશ દુનીયાથી,
અભડાશે તે પલ્લુ જીવનમા તે ખબર ન હતી,

કિનારે બેસી, કરતા રહેતા ગુફ્તગુ પ્રેમાળ જે,
પાળો પડશે સુની જીવનમા તે ખબર ન હતી,

જગની નાનીસુની વાતને ગણકારતા ન હતા,
રાય બનશે પહાડ જીવનમા તે ખબર ન હતી,

પરસ્પર એકબીજામા સમાય જઇને કર્યો પ્રેમ,
પ્રેમે આવશે ઇલ્જામ જીવનમા તે ખબર ન હતી.

નીશીત જોશી