બદલાતી હોય છે

કોઈ ગઝલ પણ કાફિયા વગર બદલાતી હોય છે, મહેફિલ માં પણ લોકોની નજર બદલાતી હોય છે, નિહાળી કોઈ નવા આગંતુક ને આગલી હરોળ માં, સભાઓ ની પણ તરકીબી અસર બદલાતી હોય છે, અજાણ્યો રસ્તો ચાલતા એક'દી જાણીતો થઇ જાય, પણ હર ચૌરાહે મુસાફિરની સફર બદલાતી હોય છે, જુની વાતમાં નવું શોધવાને જવું નથી પડતું ક્યાય, છાપાનાં હર એક પાને પણ ખબર બદલાતી હોય છે, ફક્ત નસીબના ભરોશે બેસી રહી કેટલા 'દી નીકળશે, મહેનતુ માણસની તકદીર જબ્બર બદલાતી હોય છે, નીશીત જોશી 11.01.13