સંશય છે

અમે તો છીએ તારા પણ તુજને હજી સંશય છે,

કરીયે ઉજાગરા વિરહમા તેનો પણ હજી સંશય છે,

કેમ કરી સમજાવવુ તુજ હ્રદયને અમારે,

હ્રદયમા તુજની જ છબી છે તેનો પણ હજી સંશય છે,

કરતા હતા જે વાતો નદીની પાળી પર બેસી,

પ્રેમરસ ટપકતો હતો તેનો પણ હજી સંશય છે,

શરદની પુનમ ચાંદનીમા લહેરાતા તુજ ઝુલ્ફો,

એ વાદળોમા ખોવાયેલા અમે તેનો પણ હજી સંશય છે,

મંદ મંદ મુશ્કાતા તુજ ના એ ગુલાબી અધરો,

મિલનથી આવતુ અધરો પરનુ સ્મિત તેનો પણ હજી સંશય છે,

ન કર હવે તો આટલો સંશય , સમજી , માની જા,

જીવી કઈ રીતે શકીશુ તુજ વિના તેનો જ અમને સંશય છે.

નીશીત જોશી