પ્રેમ એક પળભરમાં રમાય છે

આંખોમા હવે કોઈ પણ દરિયો ન રહ્યો,
કોઈપણ ખૂણે દરદનો દુઃખયો ન રહ્યો,

ઠોકર વાગ્યેને ઘણો સમય થયો પસાર,
કદાચને શહેરમાં કોઈ પાળિયો ન રહ્યો,

પ્રેમ ની પરાકાષ્ટાએ પહોંચી ગયા હોત,
પણ શુકનવંતા કોઈ જ સાથિયો ન રહ્યો,

ખજાનો લૂટાવી સોપ્યુ સર્વસ્વ પ્રેમીઓને,
હવે અહીં પ્રેમનો કોઈ દિવાળીયો ન રહ્યો,

સાંભળ્યુ કે પ્રેમ એક પળભરમાં રમાય છે,
તુટેલા હ્રદયે નીશીત કોઇ ખેલૈયો ન રહ્યો.

નીશીત જોશી 29.11.11