દરદ દેનાર જ જો રડી પડે,તો કહેવુ કોને?
તબીબ જ જો દવાને વખોડે,તો કહેવુ કોને?
એમ તો આદત પડેલી છે ઘાવો ઝીલવાની,
ઘાવ જ્યારે નવા ઘાવ દેખાડે,તો કહેવુ કોને?
હિમ્મત હતી તોફાની દરીયાને પાર કરવાની,
કિનારા જ્યારે કિનારાને સંતાડે,તો કહેવુ કોને?
વાતાવરણ બનાવ્યુ ખુશનુમા ફુલોની મહકથી,
સમીર જ્યારે આડો અવળો ઉડે,તો કહેવુ કોને?
અજાણ્યા મુસાફિર બની ભટક્યા નીર્જન પથમાં,
રાહબીર જ્યારે એક પથ સુજાડે,તો કહેવુ કોને?
નીશીત જોશી 27.12.11
ટિપ્પણીઓ નથી:
ટિપ્પણી પોસ્ટ કરો