વાત આપણે પછી કરીશું

એ અંધારા અજવાળાની વાત પછી કરીશુ,
એ કરેલા ખોટા સાચાની વાત પછી કરીશુ,

આ દુનીયા છે તે બધુ કહેશે જે દેખાશે તેને,
દુનીયાની વ્યર્થ વાત આપણે પછી કરીશુ,

ખુબસુરત છે તુજ સાથ 'ને છે હાથમા હાથ,
ખોટી પ્રેમડંફાસની વાત આપણે પછી કરીશુ,

નસીબથી મળ્યો સમય સંગ ગુજારવાનો,
એ વિરહ વેદનાની વાત આપણે પછી કરીશુ,

નીહારીએ છીએ એકબીજાને ચાંદની રાતમા,
તારલા તોડવાની વાત આપણે પછી કરીશુ,

મળી ગયા કોહીનુર સમા આપ સોગાદ સ્વરૂપે,
ડુબી,મોતી કાઢવાની વાત આપણે પછી કરીશુ,

અત્યારે છીએ, જીવી લઈએ અત્યારે જ સંગ,
જન્મોજન્મ મળવાની વાત આપણે પછી કરીશું.

નીશીત જોશી