મારો ઇશ મળ્યો છે

બગીચાના ફુલો ને મહેકવાનો આદેશ મળ્યો છે,
મુજને તુજના હ્રદયનો સુંદર સહેવાસ મળ્યો છે,

સમીર લઈ ઉડે છે સુગંધ મજાની એ ફુલોની,
ભ્રમરને ફુલોને ચુમી લેવાનો મુખવાસ મળ્યો છે,

ઝાંકળે પણ કરી લીધો છે પ્રેમ કળીઓથી,
કુદરતી કળીથી બનવા ફુલોનો પ્રવેશ મળ્યો છે,

ભરમાવે છે વાતો થી મારો વ્હાલો રોજ મને,
મુજને તો તેની હરએક વાતોનો વીશ્વાસ મળ્યો છે,

અંધારામા ભયથી ધ્રુજે છે લોકો આ જગમા,
મુજને ન ઓલવાય એવો તો એ પ્રકાશ મળ્યો છે,

યાદ કરોને હાજર થાય ન જોવડાવે કોઇ રાહ,
મુજને પળ પળની લેતો ખબર મારો ઇશ મળ્યો છે .

નીશીત જોશી