ક્યારેક

દુર રહીને પણ નજરે વસવા આવે છે ક્યારેક,
મૌન રહીને પ્રેમએકરાર કરવા આવે છે ક્યારેક,

બાગોના ફુલો માફક ક્યારેક મહેકે છે શ્વાસોમા,
પરી બનીને સપના સજાવવા આવે છે ક્યારેક,

આરીસો હોય સામે 'ને જોતો રહુ તેમા પ્રતિબીંબ,
ખુબસુરત એ ચહેરો દેખાડવા આવે છે ક્યારેક,

બનીને રાધા વહતી જાય છે એ તો મુજ મનમાં,
શ્યામદિવાની મીરા પણ વસવા આવે છે ક્યારેક,

વાંચી તુજને રચનાઓ સમજાય જશે મુજ વાતો,
હ્રદયની એ વાતો પણ મનાવવા આવે છે ક્યારેક,

આવે છે મનમા, કહું તુજને પામવાની અધીરાય,
ખોવાનો ડર મુજ હોઠોને સીવવા આવે છે ક્યારેક.

નીશીત જોશી 28.06.11