સંભાળીને ચાલો

આવી રહી છે યાદ તેની, ધબકાર જરા સંભાળીને ચાલો,
વીનવતા થાય મુશ્કેલ સ્વાસો જરા ધીમે નીકાળીને ચાલો,

હ્રદયની ધડકને ફુલો સમી મુરત વસેલી હજી સુધી અહીં,
આવતા એ રાહમાં કાંટાળા પથને અરીસો દેખાડીને ચાલો,

ન કોઇ સબંધ રહ્યો, ન રહ્યો હવે તો કોઇ મુલાકાતનો દૌર,
સમજાવે કોણ દિલને, નામ સાંભળી હવે ન ઉછળીને ચાલો,

દરીયો કોઇ ખોદકામ કરવાથી નહી બની શકે ઉંડો ક્યારેય,
વિરહ વેદનામાં એ ખારા પ્રવાહને તળીયે ડુબાળીને ચાલો,

ચાંદ ભલે ન કરે સીતારાઓ ની પરવાહ નીકળીને આભમાં,
અમાવસ્યાની રાતના સીતારાઓ ની ચમક નીહાળીને ચાલો.

નીશીત જોશી 19.11.11