મારી આ થાપણ

રડવાનુ તો છે બસ આ જ કારણ,
વળાવવી છે મારે મારી આ થાપણ,

ભણાવી ગણાવી કરી તેને મોટી ,
હવે પરત કરવી પડશે આ થાપણ,

કહે છે તે, નથી જવુ તમને મુકીને,
કહેવ્યુ પડ્યુ, તુ તો છે પારકી થાપણ,

કુળ દિપાવ્યુ ,બની સૌની લાડલી,
બીજા કુળને હવે દિપાવસે આ થાપણ,

ના માની બેસતા તેને બોજ મારો,
હ્રદય સમી વહાલી છે મુજ આ થાપણ,

કુદરતની આ રચના છે પુરાણી,
પારકાને પણ કરે પોતાના આ થાપણ,

હસાવ્યા સૌને જ્યાં સુધી હતી સાથે,
હવે જુદી થઇ બહુ રડાવશે આ થાપણ,

ગળે આવે છે ડુમો આવે આંખે દરિયો,
હસતા મોઢે સોપીશુ જેની છે આ થાપણ.

નીશીત જોશી