બાજી

જીવનની ઘણી રમત ફાવતી નથી,
પાનાની મને રમત આવડતી નથી,

બાજીમાં ભલે ને હોય એક્કા બે બે,
એ રમત પણ ક્યારેક જીતાતી નથી,

પીસવાને આવે પીસીએ પણ સારૂ,
બરોબર આવે એ બાજી બટાતી નથી,

બાજુનો ભેરૂ ફેકશે જોઇતા પાના,
બીજાઓના ભરોશે બાજી રમાતી નથી,

રમતમા છું હું ભલેને નવૉ ખીલાડી,
અધવચ્ચે બાજી મુકી દેવાતી નથી,

મુશ્કેલથી જડી છે આ રમવાને બાજી,
રમતની આ મોજ એમજ છોડાતી નથી,

રમી લો આપ પણ સૌ જેવી આવડે તેવી,
હરધડી જીવનબાજી સૌને ફાળવાતી નથી .

નીશીત જોશી