પહેલો જ પ્યાલો એવો પીધો છે

એવુ તે પીવાડાવ્યુ કે ફના થઈ ગયા અમે,

હતા જે મનસુબા બાકી હવે ભુલી ગયા અમે,

ન રહ્યા કોઇ કામના આ જગ માટે હવે,

જ્યારથી તારા દર ના મહેમાન બની ગયા અમે,

આ સોદો એવો છે જે દિલની સમજમાં જ આવે,

ધુંટડો ભરી જુઓ આપમેળે, અનુભવ કરી ગયા અમે,

ઇચ્છા હજી છે કે પ્યાલા ભરી ભરી પીયે,

ના કહેતો નહી તુ હવે હા પાડી ગયા અમે,

પહેલો જ પ્યાલો એવો પીધો છે અમે,

બધી અક્કલ હોશીયારી ભુલી ગયા અમે.

નીશીત જોશી