તારી રાહ જોવ છુ

સુરજની પહેલી કિરણથી તારી રાહ જોવ છુ
તુટી આજ ડાળી પરથી તારી રાહ જોવ છુ
આવશે તુ આપીશ તુને મારી સુગંધ
બાગમાંથી આવી અહી તારી રાહ જોવ છુ
આવજે ઝલ્દી નહિતર ચકડાઇ જઈશ
અત્યારે તો પુર્ણ રૂપે તારી રાહ જોવ છુ
જોજે આવી લેજે હાથમા તુરત મને
કરમાયી ન જાવ માટે તારી રાહ જોવ છુ
કરમાય જઈશ તો હાથવેગો પણ નહી રહુ
તુજ માથે સજવાની તારી રાહ જોવ છુ
છોડી મારા પોતાઓ ને મળવા તને
તુજ સંગ માણવા તારી રાહ જોવ છુ

નીશીત જોશી