પ્રેમમા અમે

પુરા સંરજામ સજાવીએ પ્રેમમાં અમે,
અંજામનો ડર ન રાખીએ પ્રેમમા અમે,

આવે તોફાનો દરિયામાં એ માલુમ છે,
હિમ્મત ન ક્યારે છોડીએ પ્રેમમા અમે,

ડાળ તુટવાનો ડર નથી હોતો પક્ષીને,
આત્મનાવિશ્વાસથી ઉડીએ પ્રેમમા અમે,

વમળ ફસાવી ડુબાળી જાય આમ તો,
પાતાળેથી મોતી કાઢીએ પ્રેમમા અમે,

હશે નહી મળતો હોય સૌને એવો પ્રેમ,
યાદોમા જીવનને જીવીએ પ્રેમમા અમે,

કહે છે ઝખમ લાગે, ધાવ બને નાસુર,
યાદોના લેપથી રુઝાવીએ પ્રેમમા અમે,

ક્યાં જાણતા હતા થયો જ્યારે એ પ્રેમ,
થયો છે, સુખ અનુભવીએ પ્રેમમા અમે.

નીશીત જોશી 16.06.11