એક પછી એક બધા દુર થઇ ગયા,
સામે જે હતા તે મજબુર થઇ ગયા,
જોતા હતા જેને રોજ સાથે અમારી,
તેઓ તબદીલે તસ્વીર થઇ ગયા,
કોની કોની વાતો યાદ કરી જણાવુ,
તેઓ વાર્તાઓથી મશહુર થઇ ગયા,
આંખો થાકતી નથી યાદોમાં રડીને,
અશ્રુ દરિયાના જાણે પુર થઇ ગયા,
સંઘરૂ ક્યાં સુધી હ્રદયે રાઝની વાતો,
નીકળશે તો કહશે મગરૂર થઇ ગયા,
એકલા બીચારા દિલને કરુ છુ હૈરાન,
યાદ સંઘરતા ખુણા ભરપુર થઇ ગયા.
નીશીત જોશી 19.09.11
ટિપ્પણીઓ નથી:
ટિપ્પણી પોસ્ટ કરો