ક્યારેક

આવો અકસ્માત તો ક્યારેક પણ થવાનો હતો,
બચ્યો જો હોત, તો ક્યારેક પણ મરવાનો હતો,

પ્રેમ કરવો કોઈ નાનું કાજ નથી આ જગતના મેળે,
ખોવાયો જો હોત, તો ક્યારેક પણ મળવાનો હતો,

ઉભા રહી કઠોડે રાહ નિહાળનાર દેખાય છે ઘણા,
ચાલ્યા હોત, પથ તો ક્યારેક પણ દેખાવાનો હતો,

નસીબનો વાંક કેમ કહેવો કે ન મળ્યા આ જનમે,
લગ્ન જો થાત, માંગ તો ક્યારેક પણ ભરવાનો હતો,

રીસાય કલમ લખતા લખાતા એક જ નામ કાગળે,
હ્રદયનો વલોપાત તો ક્યારેક પણ લખવાનો હતો,

પ્રેમવાર્તા સંભળાવી કરતા રહેતા યાદોનો વરસાદ,
‘નીશીત’ હ્રદયથી તો ક્યારેક પણ કાનધરવાનો હતો.

નીશીત જોશી