સુગંધના આધારે ફુલ વર્તાતુ નથી,
ફુલો ઘણા છે બધાથી ખીલાતુ નથી !
સુગંધ તો પ્રસરાવે જગ માંહી ઘણા,
એક સરખુ તો બધાથી જીવાતુ નથી !
શીખર ઉપર પહોંચતા પહોચી જાય,
બધાથી તો એ જગ્યાએ જવાતુ નથી !
મોટા તો બની જાય છે મોટાઇ કરીને,
મોકો આવ્યે નાના સામે નમાતુ નથી !
હોય ગમે તેટલા આદર્શ વિચારો દિલે,
ઇર્ષાઓને હરધડી બધાથી મુકાતુ નથી !
બધુ મુકીને બની જાય જે ખરો માણસ,
પણ બધાથી નિર્દોષ બાળ બનાતુ નથી !
નીશીત જોશી 23.10.11
ટિપ્પણીઓ નથી:
ટિપ્પણી પોસ્ટ કરો