રવિવાર, 9 ઑક્ટોબર, 2011

આવોને.......

આવોને પ્રેમમાં આપણે બરબાદ થઇએ,
બનીને ઇતિહાસ આપણે અપવાદ થઇએ,

બોલવાવાળા બોલતા જ રહેવાના ઇર્ષામાં,
પોતાના શબ્દોના થકી આપણે સાદ થઇએ,

દુનીયાની અપાર ભીડે દબાય જાય અવાજ,
મંદીરના ઘંટાની માફક આપણે નાદ થઇએ,

ખારાસ આંખોના વહેણની ઓછી જો ન થાય,
એકબીજાના મધુર આપણે આસ્વાદ થઇએ,

ભુલી નહી શકાય કોઇથી વિતાવેલી હર પળો,
ચીતરાવી આ હ્રદયને સ્મરણીય યાદ થઇએ,

કુદરતના પણ ગજબ છે નિયમ 'પ્રેમમાં વિરહ',
આવોને ફરિયાદી બની આપણે ફરિયાદ થઇએ.

નીશીત જોશી 09.10.11

ટિપ્પણીઓ નથી:

ટિપ્પણી પોસ્ટ કરો